小麗痛斥張建宗離地、無良心！
小麗昨天在立法會福利事務委員會公聽會，就全民退休保障問題發言。
=====================================
小麗表示作為一個中產，及很多中產一樣，甘心情願為老人家多交點稅，因為想老人家有更好的退休生活。
而對於局長表示地盤工人有萬六蚊人工「都算係唔錯」，小麗認為局長輕輕帶過，不但離地，更忽視不設入息審查的退保於他們非常重要。
局長月薪近三十萬，幾層樓揸手，當然唔識計數，唔知道其實萬六根本唔夠洗。扣除租金、電費、水費基本開支，每月就只淨幾千元，就算夠生活，都唔夠睇醫生。
工友一家年輕時聽信獅子山精神，相信要自食其力，結果辛苦一世，儲得十萬八萬，然後就被政府指為無經濟需要，唔洗社會保障。到年老，老伴有病都唔夠錢睇醫生，唔夠膽洗錢，唯有六十五歲都番工搵錢，照顧得患病老伴，又無時間照顧自己。在政府口中沒有需要的老人家就係咁被政府逼上絕路！
而獅子山係咪用黎老點聽政府話的人。小麗希望張建宗自動減薪至萬六元，並且捐哂所有身家，捐至淨番八萬，去體驗基層長者如何生活。再者，政府根本無需負擔退保的大部份開支。
以學者建議，政府只需負擔一千億啟動基金，剩餘開支包括新加的2％利得稅根本無需政府負責。而政府一味指退保會爆煲，但又絕口不提一眾大白象基建管理費，例如維修及保養等開支，根本就是香港最最最大的無底深潭，吸血大怪獸！
======================================
小麗：「你哋個天堂係假㗎，係共產黨造㗎會爆炸㗎唔該你為自己諗下啦！」
Search